jab maine chalna seekha
jeevan ko jeena seekha
tabhi mein neeche gira
sukh se pehle dukh mila
dukh milne ke baad phir
mein utha aur badha phir
lekin aage phir gira
issi tarah chalna seekha
jeevan ko jeena seekha...
aage mile kitne kankar
jo the pehle se bhi bhayankar
dekh jinko darraa phir
aage jab mein bada phir.
yaad aayi jab manzil
to socha inhein paar karoon
socha aur mein kar gaya
aur aage badhta chala gaya
chalte chalte raat hui
na jaana kya baat hui
jiss se sukh ka matlab jaana
sukh ko humne bhi pehchaana
veh sukh mila uss khushi se
jo manzil ko dekh mili
ek badi si muskurahat
mere honthon par khili
mujhe wo safalta mili
jo mujhe chahiye thi
yeh meri subah thi
~Anuj (Aug,99)
Subscribe to:
Post Comments (Atom)
No comments:
Post a Comment