ae manushaya, tu badhta chal
iss jeevan ki raah par
paar karta chal har mushkil
bade se bade kahar ko kuchal
kabhi thakna nahi iss raah par
yeh sabse mehatv-purn hai
jab mushkilon se jeevan bane mushkil
to samajhna yeh aakhiri mushkil hai
jiss tarah surya-grahan par
dheere dheere banta hai andhera
jab andhera ho apne uttchatav par
tabhi phir hota he savera
kai chale iss raah par
kai bichhdhe iss raah se
kai saathi naye mile
kai choote beech raah mein
kintu pathik tu mat rukna
iss jeevan ki raah par
kisi sankat se mat jhukna
swayam par sadaa vishwaas kar
jo daraa iss rah par sankaton se
veh haara hi kehlayega
jo chala ni-darr sahaasi ban
veh sikandar ban jayega
~ Anuj (October, 99)
No comments:
Post a Comment